Редакция на русском языке
Klausīties tiešraidi 
Šūnedēļ pasaulī turpynuojās sprīdze ap Ukrainu, Krīveju i Tyvajūs Austrumūs.
Pec treju dīnu pamīra atsasōkušys Krīvejis dronu atakys pret Kijivu. Ukraina tikmār aicynoj Eiropu aktīvōk īsasaisteit mīra procesā. Ukrainys pretkorupcejas īstuodis izvirzējušys apsūdzeibys Volodimira Zelenska byušajam kancelejys vadītōjam Andrijam Jermakam par naudas atmazgōšonu vairōku miljonu eiro apmārā.Tuvuos Austrumūs situaceja jūprojom ir sasprīngta.
ASV prezidents Donalds Tramps nūraidējis Irānys pīduovuojumu kara izbeigšonai, nūsaucūt to par pīļneibā napījamamu. Teherāna tikmār pīprasa kompensacejis, savu aktīvu atbloķiešonu i suverenitates atzeišonu pōr Hormuza šaurumu. Tikmār “The New York Times” ziņoj, ka Irānai jūprojom saglobuota lola daļa raķešu i palaidējīkuortu.Tragiski nūtykumi šūnedeļ beja Indejā i Haiti.
Indejys ziemeļūs vātrōs gōjuši būjā vysmaz 111 cylvāki, bet Haiti bandu sadursmēs nūkauti vairōk kai septiņdesmit cylvāku.Tikmār ASV i Ķīna mēģinoj uzlobuot attīceibys.
Donalds Tramps pēc tikšonys ar Sji Dzjiņpinu sarunas nūsauca par pozitīvām i produktīvām, apsprīžūt gan Ukrainu, gan Taivanu, gan Tuvuos Austrumus.Latvejā krytuse vaļdeiba. Prezidents apsasprīž ar partejom.
Baltijā i Latvejā vyslieluokō politiskō ziņa šonedēļ byja premjeres Evikys Siliņys atsakōpšonuos. Vaļdeiba ir krytuse, i partejys jau sōkušys pōrrunys par jaunu koaliceju. Politologi pīļaun, ka jaunuos vaļdeibys vadeituojs varētu byut “Apvīnuotō saroksta” politiķis Andris Kulbergs.Pēc dronu incidentim Latgolē nu amata atsakōpa i aizsardzeibys ministrs Andris Sprūds.
Par jaunuo ministra kandidatu beja izvirzeits pulkveds Raivis Melnis, jis beja gotovs styprynōt Latgolys drošeibu i attīstēt aizsardzeibu pret dronim.Saeima šonedēļ atbalstejuse grozeijumus, kas paplašynuos jaunīšu īspējys strōduot vēlēšonu īcirkņūs.
Turpmōk komisijōs varēs strōduot i pilngadeigi jaunīši bez videjōs izgleiteibys.Latvejā turpuņoj diskusejis par vaļsts volūdu.
Saeima otrajā lasiejumā atbalstejuse barguokys strōpis par pārkōpumim vaļsts volūdys izmantuošonā.Tikmār Labklōjeibys ministrs apsūlejis, ka pensijys vecums Latvejā napīaugs līdz 72 godim, kai īprīkš byja īsaciejuse Eiropys Padūme.
Latgolā i Daugovpilī šonedēļ uzmaneibys centrā beja drūšeiba, infrastruktūra i kulturys dzeive.
Pēc dronu draudim Austrumlatvejā vairākūs novodūs izsyuteiti breidynōjumi par īspējamu gaisa telpys apdraudiejumu. Balvu novodā šūnedeļ apstyprynuots īstuožu rīceibys algoritms šōdūs situacejūs.Daugovpils dūmys deputati pīškēruši vairōk kai 63 tūkstūšus eiro astuņom pilsātys draudzēm sakralō mantojuma saglobuošonai.
Daugovpilī sabīdreibys bolsuošonai nūdūti pīci leidaleibys budžeta projekti — tai skaitā atpyutys vīta py Daugovys, fitnesa zona Ruģeļūs i muralis “Mēs vysi vīnā laivā”.
Pilsātā turpuņoj sabīdryska transporta modernizaceja.
Daugovpilī nūteiks atsaidu pieturu nomaiņa, bet uzņāmums “Daugavpils satiksme” gatavoj audio gidus tramvajūs, kurus varēs izmantūt jau Pilsātys svātku laikā.Šonedēļ Daugovpilī sōkusēs peļdiešonys sezona.
Lielō Stropu ezera pludmale atkon sajēmuse Zylū karūgu — storptautysku kvalitatis i drūšeibys simbolu.Piļsātā nūtiks vairōki kulturys pasōkumi.
Rotko muzejs aicynoj uz Muzeju nakti, Daugovpils teatris gatavoj storptautysku festivalu, bet Cītūksnī jūļī otkon nūtiks bals ampira stilā 1812. goda gaisūtnē.Sporta i aktīvō dzēves veida cienētōjus aicynoj uz “Velo dīnu Daugovpilī”, sprinta orientiešonys sacīkstim i hokeja čempionata translacejom uz lelō ekrana Centrālajā parkā.
I vysbeidzūt — sinoptiķi breidynoj, ka naktīs Latgolē īspējamas salnys, todēļ dōrzkuopim i zemnīkim īteicams sargōt stōdus i agros sejumus.
Projektu finansē Mediju atbalsta fonds no Latvijas valsts budžeta līdzekļiem.
Par ziņu raidījumu “Ziņas bez robežām” saturu atbild SIA “Alise Plus”.
#sif_maf2025
